Təhlükəli mallar
![](http://allrightmoving.com/external/ckfinder/userfiles/images/487488-swagway-x1.jpg)
Təəccüblü olsa da, bəzən zərərsiz görünən mallar təyyarəyə yüklənilərkən təhlükəli ola bilər. Hava nəqliyyatı daşınmanın ən təhlükəsiz növlərindən biridir. Bir sıra əsas qaydalara əməl etməklə, belə malların təhlükəsiz daşınılmasını təmin edə bilərsiniz. Uçuş zamanı temperatur və hava təzyiqinin dəyişməsi bəzi əşyaların sızması və ya alışmasına səbəb ola bilər. Qablaşdırmazdan öncə diqqətli olun!
HOVERBORDLARIN bütün beynəlxalq və yerli daşınmalarda əşyaların içərisinə daxil edilməsi qadağan edilir. Ötən ilin dekabrı ilə 2017-cı ilin fevral ayı arasında ABŞ-da 50-dən çox hoverbord yanğını qeydə alınmışdır. Belə yanğınlar 2 milyon dollara yaxın zərərə səbəb olmuşdur. Yanma təhlükəsi olan əşyaların təyyarə, yük maşını və ya dəniz konteynerinin məhdud ərazisinə yerləşdirilməsi faciəvi sonluqla nəticələnə bilər.
Bu səbəbdən, ALLRIGHT MOVING & STORAGE qlobal səviyyədə bütün növ nəqliyyat vasitələri üçün bu siyasətə ciddi şəkildə əməl etməlidir.
KİBRİT VƏ ALIŞQANLARIN yüklərin içərisində aparılmasına icazə verilmir, çünki onlar sürtünmə ilə yanmaya səbəb ola bilər.
Yanacaq, həlledici, yapışdırıcılar kimi alışqan mayelər, alışqan dolduran və düşərgə qazı kimi ALIŞQAN QAZLAR sızıb yanğına səbəb ola bilər.
Siqnal lampaları, batareyalar və FİŞƏNGLƏR həssas təbiətinə görə partlama ehtimalına malikdir.
Ağardıcı, quru təmizləyici, aerozol, və həlledicilər kimi MƏİŞƏTDƏ İSTİFADƏ OLUNAN vasitələrin tərkibində kimyəvi maddələr olduğundan, onlar toksik tüstülərin yayılması və aşınmaya səbəb ola bilər.
Unutmayın ki, bu, təhlükəli malların tam siyahısı deyil.
Təyyarənin göyərtəsində təhlükəli malların daşınması qadağandır; bu, əks halda agır cərimələrlə nəticələnəcək.
Əlavə məlumatlar üçün daşınma üzrə mütəxəssisimizlə məsləhətləşin.